تصريح السفر الالكتروني
Planning تخطيط

تصريح السفر الالكتروني في 6 خطوات بكل سهولة

on
مايو 26, 2020

تصريح السفر الالكتروني من أكتر الحاجات اللي بتسبب لخبطة لكتير من الشباب المصريين في سن التجنيد لما بيحب يسافر .

لخبطة مش بس لأن مش عارف يروح فين وللا يطلع التصريح منين , لكن كمان لخبطة لأنه مش عارف الفرق بين تصريح السفر و التصريح الأمني للسفر .

التصريح الأمني ده اتكلمنا علي بالتفصيل في مقالة فيزا تركيا و التصريح الأمني , و التصريح اﻷمني بيكون لكل الناس ذكور او اناث في سن معين عايزين يسافروا دول معينه .

أما تصريح السفر أو أذن السفر فده مطلوب فقط للشباب الذكور المصريين في سن التجنيد , و اللي لم يحصلوا علي اعفاء نهائي .

كان الأول بتضطر تروح ادارة التجنيد و التعبئة علشان تقدم علي اذن السفر ده قبل ما تسافر , دلوقتي أطلقت القوات المسلحة المصرية خدمة الكترونية جديدة علشان تقدر تقوم باستخراج تصريح السفر الالكتروني بكل سهولة لو كنت مطلوب او علي قوة التجنيد او للطلبة اللي لسه في سن التجنيد .

 

 

 

 

 

خطوات استخراج تصريح السفر الالكتروني من موقع ادارة التجنيد و التعبئة :

 

 

تصريح السفر الالكتروني

 

أولا هتدخل علي الصفحة المختصة اللي عملتها ادارة التجنيد و التعبئة , و هتتبع الخطوات التالية:

1-هتقوم بتسجيل طلب استخراج اذن السفر

2- هتقوم بملئ البيانات الأساسية زي (الأسم , الموقف من التجنيد , الرقم الثلاثي , الرقم العسكري , العنوان , الدولة اللي هتسافرلها , الغرض من السفر.

3-هتحدد مكان استلام التصريح : -( ادارة التجنيد و التعبئة في الحلمية ) أو ( منطقة تجنيد القاهرة بالهايكستب ) أو (قسم تجنيد بمديرية أمن أي محافظة ).

4- هتراجع البيانات اللي كتبتها كويس , و بعدين تضغط علي (تسجيل البيانات) و تحتفظ برقم الطلب.

5- هيتم دراسة طلبك من المختصين في ادارة التجنيد و التعبئة و المناطق التابعة ليها في المحافظات , و يحددوا أحقيتك في الخدمة أو لأ.

6-تقدر تتابع طلبك و كمان تدفع الرسوم عن طريق الصفحة الخاصة بالاستعلام عن تصريح الأذن بالسفر , بعد ما تملي بياناتك الأساسية في الصفحة .

 

الاستعلام عن تصريح السفر الالكتروني

 

 

عادة بيكون الرد بأحدي الردود الأتية :

-لا مانع من استخراج تصريح السفر بعد سداد الرسوم ( رسوم تصريح السفر الالكتروني حوالي 60 جنيه).

-لا مانع من استخراج تصريح السفر بعد تقديم المستندات المطلوبة.

-برجاء التقدم لادارة التجنيد و التعبئة التابع لها لمراجعة موقفك و استخراج التصريح.

-برجاء التقدم لمنطقة التجنيد التابع لها لمراجعة موقفك و استخراج التصريح.

 

ملحوظة :  تصريح بالإذن للسفر للطلبة اللي بيدرسوا جوا مصر والمؤجل تجنيدهم فى غير توقيتات الأجازة وذلك (لظروف إستثنائية) بيتم استخراجه من هيئة التنظيم والإدارة للقوات المسلحة .

 

 

 

هل يمكن استخراج تصريح السفر من المطار ؟

بعد ما تقوم بطلب تصريح السفر الالكتروني و دفع المصاريف المقررة , و بعد مراجعته و اصداره سيتم الأتي :

-النسخة الورقية هتكون متاحة في المكان اللي اخترته اثناء التسجيل لو حبيت تستلمها.

-هيتم ارسال نسخة الكترونية لأيميلك اللي سجلت بيه او علي الواتس اب علي رقم الموبايل اللي سجلت بيه و دول برضه بيغنوك عن استلام النسخة الورقية.

 

 

الواتساب

 

 

تصريح السفر الالكتروني كمان بيكون موجود علي سيستم الجوازات في الجمهورية , بالتالي هيكون أتوماتيك مع ظابط الجوازات و انت مسافر . و لكن احتياطي و زيادة اطمئنان يفضل ان يكون معاك النسخة الالكترونية علي إيميلك أو الواتساب بتاعك.

 

 

 

 

هل تصريح السفر مطلوب لمن أدي الخدمة العسكرية او المعفي من التجنيد ؟

التصريح مطلوب فقط لمن هو في سن التجنيد أو المعفي مؤقتا من التجنيد . أما لو كنت في غير سن التجنيد أو معاك اعفاء نهائي فمش مطلوب منك التصريح.

 

 

دي كانت كل حاجه حابب تعرفها عن تصريح السفر , لو عندك اي سؤال او استفسار متترددش تكتبلي في الكومنتات أو علي صفحات السوشيال ميديا الخاصة بالمدونة .

TAGS
RELATED POSTS
Subscribe
نبّهني عن
guest
0 تعليقات
Inline Feedbacks
View all comments
محمد حماد
🇪🇬 Egypt

أنا محمد ... مدمن سفر ... سافرت كتير و حلمي اني الف العالم كله . قررت اعمل المدونة دي علشان تكون مصدر لكل ما يخص السفر من تأشيرات , و معلومات عن دول العالم المختلفة و اسرار ازاي تلف العالم بأقل الامكانيات و اسهل الطرق .

ابحث في الموقع

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

0
حابب اعرف رأيك ، اترك تعليق :)x
()
x
تابعنا علي Facebook

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

0
حابب اعرف رأيك ، اترك تعليق :)x
()
x