محمد حماد

 

محمد حماد

انا اسمي محمد حماد … طبيب مصري … ليا هوايات كتير منها الطبخ و القراءة بس هوسي الأكبر هو السفر اللي بالنسبالي يعتبر ادمان .

من صغري و انا مهتم جدا بالدول و عواصمها و حتي اعلامها ، لما كبرت شوية بقي كل حلمي اني اسافر و الف العالم .

ادماني للسفر بدأ في ٢٠٠٦ بعد ما سافرت لتركيا لمدة شهر في تبادل طلابي ، ساعتها عرفت يعني ايه متعة انك تستكشف ثقافات جديدة و ناس و مدن جديدة … و من ساعتها و انا بستغل اي فرصة تيجي اني اسافر بلاد جديدة و استكشف ثقافات جديدة .

فكرة المدونة :

فكرة اني اعمل مدونة passport trails هي لان فكرة السفر في مجتمعاتنا للاسف مازالت تشبه الاساطير ، الناس متخيله انك محتاج تبقي مليونير علشان تسافر … ده غير ان فيه افكار غلط خالص بخصوص السفر معظمنا مبيحاولش حتي يدخل يقرأ عنها و يصحح مفاهيمه …

السبب التاني ان المحتوي العربي علي الانترنت بخصوص السفر شبه نادر بعكس المحتويات الأجنبية ، و ده شجعني اكتر اني اخوض التجربة دي .

رؤيتي و هدفي للمدونة :

  • تكون مصدر تعليمي لاي حد شايف ان السفر ده عالم مجهول ، و تبين اد ايه ان الموضوع سهل جدا و قابل للتنفيذ.
  • نتعلم سوا يعني ايه تخطيط للسفر ، ازاي اتقدم للفيزا او احجز طيران او فنادق ، يعني ايه هوستل او كاوتش سيرفنج ، ازاي اتنقل من بلد لبلد باقل امكانيات ، و نصائح تانيه كتير .
  • نعرف وجهات السفر المتعدده و ايه اللي بيميز كل بلد او مكان و ايه احسن اماكن في كل بلد مينفعش مزورهاش.
  • و هختم باهم هدف و هو نتعلم ازاي نقرا و نبحث اكتر عن اي بلد هنروحها ، للاسف ناس قليله جدا اللي بتدور و بتبحث و بتخطط صح قبل ما تسافر ، و هدفي اننا نتعلم ده .

 

و اخيرا لو في اي وقت حبيت تتواصل معي لاي استفسار او سؤال بخصوص المدونة او السفر او اي شئ يمكن التواصل معايا عن طريق صفحات السوشيال ميديا او ابعتلي ايميل من هنا 

This website uses cookies to improve your experience. We'll assume you're ok with this, but you can opt-out if you wish. Accept Read More