سيدي بوسعيد
وجهات Destinations

7 أسباب تخليك لازم تفكر تزور تونس و تقضي أجازتك فيها …

on
مارس 23, 2019

دول شمال أفريقيا سواء مصر أو المغرب أو الجزائر أو بطلة مقالتي انهارده تونس ربنا وهبهم بكنوز كتير تخليهم وجهات سياحية عالمية … و للأسف أعلامنا فاشل لعدم اظهار جمال دولنا السياحي بالطريقة اللي دولنا تستحقها …

أنا كمصري أو أنت كمغربي أو جزائري او ليبي او سعودي او عراقي او اي مواطن عربي أكيد تعرف تونس و سمعت عنها … بس خليني أقولك أن فيه حاجات كتييييير متعرفهاش عنها و لو عرفتها هتحلم انك تزور تونس , أنا كل يوم بعرف حاجه حاجه جديدة عن البلد الجميلة دي و بحلم أزورها … علشان كده انهارده هقولك علي 7 أسباب خلوني و هيخلوك تفكر تزور تونس و تقضي أجازتك فيها .

 

 

1- أهم سبب انك تزور تونس هو الناس :

تزور تونس

photo by Tung Nguyen Dan / Flickr

 

دايما كعادتي لما بتكلم عن بلد زرتها أو بفكر أزورها اني اتكلم عن مدنها او طبيعتها …الخ , ده كله هنتكلم فيه دلوفتي انما تونس بالذات أنا شايف ان أهم سبب انك تزورها هو أهلها و ناسها و ده اللي لازم ابدأ بيه..

الشعب التونسي شعب مثقف جدا , و ده تقدر تحس بيه لو اتكلمت مع أي حد تونسي , شعب طيب و مضياف , اسأل أي حد زار تونس هيقولك أد ايه حس بكرم و ضيافة أهلها و ان أي حد بيحاول يساعدك لو انت سائح او غريب عن البلد ..

أنا شخصيا بحب اللهجة التونسية “برشا” , بحب حب التوانسة للحرية و الثقافة , بحب حماسهم في الكورة , أي حد مصري بيعرف أن ماتشات الفرق المصرية مع الفرق التونسية بتبقي كأنها بطولة في حد ذاتها بسبب حماس الجماهير … علشان كده شايف أن عامل الناس مخلي تجربة السفر اللي تونس تجربة رائعة في بلد أكثر من رائعة.

 

 

2- الثقافة :

7 أسباب تخليك لازم تفكر تزور تونس و تقضي أجازتك فيها ... 1

Photo Credits by Sara Dhaoui

الثقافة التونسية ثقافة غنية جدا , و ده لأن تونس بالرغم من صغرها كمساحة , إلا إنها عريقة كدولة , تعاقب الحضارات ما قبل الفينيقية و الفينيقية و الرومانية و العثمانية و العصر الحديث كل ده اسهم في جعل الثقافة غنية جدا و هتخلي تجربة انك تزور تونس تجربة فعلا رائعة

 

 

3- الشواطئ و البحر :

البحر التونسي

 

تونس عندها شواطئ من أجمل شواطئ شمال أفريقيا علي البحر المتوسط , من رمال بيضاء و بحر مياهه زرقاء شفافة , معظم المدن التونسية علي الشمال تقع علي البحر المتوسط و فيها شواطئ رائعة , جرب لما تزور تونس تجرب تزور مدينة الحمامات الساحرة بشواطئها و أنشطتها البحرية المشهورة ..

 

7 أسباب تخليك لازم تفكر تزور تونس و تقضي أجازتك فيها ... 2

 

ده غير قرية سيدي بوسعيد الساحرة اللي تحس انها جزء من الجزر اليونانية من جمالها ..

 

سيدي بوسعيد

 

و مينفهش مذكرش جزيرة جربة اللي تعتبر أكبر جزيرة في شمال أفريقيا , و تتميز برمالها البيضاء و بلدتها القديمة و منازلها البيضاء  , مينفعش تزور تونس و متشوفهاش …

 

7 أسباب تخليك لازم تفكر تزور تونس و تقضي أجازتك فيها ... 3

 

 

 

4- المدن التونسية و التاريخ :

لما تزور تونس هتحتار تزور مدن ايه وللا ايه من كتر ما كل مدينة ليها طعم , تونس العاصمة هي من أهم المدن التونسية اللي تعتبر عاصرت كل الحضارات اللي مرت بتونس , أسواقها و أزقتها القديمة هتخليك تحس انك في عالم تاني , في المدينة القديمة و اللي بتسمي “المدينة” بأبنيتها التاريخية و العمارة العربية و اسواقها القديمة ملهاش مثيل …

7 أسباب تخليك لازم تفكر تزور تونس و تقضي أجازتك فيها ... 4

 

علي بعد 15 كيلومتر من العاصمة لازم تزور منطقة قرطاج التاريخية , اللي فيها أثار قرطاج الفينيقية و الرومانية اللي موجودة لغاية دلوقتي و اللي تعتبر موقع من مواقع اليونسكو التراثية ..

سوسة و اللي تعتبر جوهرة الساحل زي ما بتسمي , مدينة ليها طابع خاص تاريخي و طعم خاص بيحسه كل اللي بيزورها سواء بسبب أسواقها او قلعتها أو بحرها الساحر

 

7 أسباب تخليك لازم تفكر تزور تونس و تقضي أجازتك فيها ... 5

سوسة
photo by Ivan-Flickr

7 أسباب تخليك لازم تفكر تزور تونس و تقضي أجازتك فيها ... 6

الميناء في سوسة
Photo credits to Heyfa Bhm

7 أسباب تخليك لازم تفكر تزور تونس و تقضي أجازتك فيها ... 7

سور المدينة القديمة
photo Credits to Heyfa Bhm

 

 

ده غير مدينة المنستير الشهيرة الهادئة لو عايز تبعد شوية عن زحمة السياح , مدينة جميلة و اللي بيميزها ضريح بورقيبة الشهير , و حصنها الشهير (او ما يسمي بالرباط) اللي له فيو رائع علي البحر مينفعش متشوفهاش لما تزور تونس ..

 

7 أسباب تخليك لازم تفكر تزور تونس و تقضي أجازتك فيها ... 8

 

مدينة القيروان التاريخية  اللي تعتبر أهم مدن العالم الإسلامي , و جامعها التاريحي جامع عقبة , مدينة تستاهل الزيارة لما تزور تونس ..

 

7 أسباب تخليك لازم تفكر تزور تونس و تقضي أجازتك فيها ... 9

 

ده غير مدن كتير لازم تشوفها لما تزور تونس زي صفاقس و المهدية و بنزرت الساحرة و مدينة الجم التاريخية اللي هتحس انك في روما لما تشوف قصر الجم الشهير اللي يشبه الكولوسيوم و غيرهم كتير …

 

7 أسباب تخليك لازم تفكر تزور تونس و تقضي أجازتك فيها ... 10

 

عين دراهم و اللي بالنسبالي كانت أكتشاف لما عرفتها و ناوي ازورها في الشتا لأنها في الشتا بتكون حاجه تانية خالص , هتحس انك في النمسا او سويسرا , المدينة قريبة من الحدود الجزائرية و تعتبر جنة شتوية زي بالضبط مدينة افران الساحرة في المغرب … مينفعش تزور تونس في الشتا من غير ما تشوف عين دراهم الجميلة ..

 

7 أسباب تخليك لازم تفكر تزور تونس و تقضي أجازتك فيها ... 11

 

 

 

5- الصحراء :

7 أسباب تخليك لازم تفكر تزور تونس و تقضي أجازتك فيها ... 12

Photo Credits By Sarah Dhaoui

 

أنا شخصيا كنت عارف أن الجنوب التونسي يعتبر أغلبيته صحراء لكن مكنتش أعرف أد ايه الصحراء التونسية ساحرة , و انك مينفعش تزور تونس من غير ما تشوف الصحراء التونسية بعينك و تشوف واحاتها الخلابة

 

7 أسباب تخليك لازم تفكر تزور تونس و تقضي أجازتك فيها ... 13

Photo Credits By Sara Dhaoui

 

الجنوب التونسي و الجنوب الغربي التونسي بيحتوي علي واحات و مدن ملهاش مثيل في حتت كتير زي توزر و دوز و نفطة  … وللا الشلالات و النخيل و ينابيع المياة في واحات ساحرة زي تمغزة و الشبيكة .

 

7 أسباب تخليك لازم تفكر تزور تونس و تقضي أجازتك فيها ... 14

Photo Credits by Sara Dhaoui

 

أو منطقة عنق الجمل اللي اتصور فيها الجزء الأول من سلسلة أفلام حرب النجوم Star Wars في السبعينات بسبب قببها الغريبة وسط الصحراء

 

7 أسباب تخليك لازم تفكر تزور تونس و تقضي أجازتك فيها ... 15

عنق الجمل – Photo Credits by Sara Dhaoui

مينفعس تزور تونس من غير ما تزور الواحات و تشوف جمال الصحراء التونسية …

 

 

6- التكلفة :

7 أسباب تخليك لازم تفكر تزور تونس و تقضي أجازتك فيها ... 16

 

حاجه تانية تشجعك انك تزور تونس هي أن تكلفة السفر و قضاء أجازتك في تونس هتبقي رخيصة لو هتقارنها بأوروبا مثلا … العملة في تونس هي الدينار التونسي , في تاريخ كتابة المقالة دي الدولار الأمريكي يساوي حوالي 3 دينار , و الدينار التونسي حوالي 5.7 جنية مصري … عشان كده السفر لتونس مش هيكلفك كتير خصوصا لو التزمت بالنصايح اللي قلناها في مقالة  5 نصائح تخليك تسافر بأقل التكاليف 

 

 

7- المطبخ التونسي من أهم الأسباب علشان تزور تونس :

ده سبب لوحده كفيل يخليك تزور تونس و مترجعش 😀 ,  المطبخ التونسي من أشهر و أطعم المطابخ في حوض البحر المتوسط و شمال أفريقيا ..

7 أسباب تخليك لازم تفكر تزور تونس و تقضي أجازتك فيها ... 17

اللبلابي Credits to Habib M’henni / Wikimedia Commons

مين فينا منفسوش يدوق البوريك وللا الطاجين التونسي و للا خبر الملا , وللا السلطة المشوية الشهيرة بجانب أطباق السمك (او الحوت بالتونسي) و للا اللبلابي الشهير

ده غير العصبان و الملوخية التونسية … أطباق كتير تخليك تزور تونس علشان تجرب أطباقها اللذيذة

7 أسباب تخليك لازم تفكر تزور تونس و تقضي أجازتك فيها ... 18

العصبان
Credits to AmelGhouila / Wikimedia commons

 

أسباب كتير تخليك فعلا تفكر انك تزور تونس , تونس من البلاد اللي متحتمس أني أزورها جدا لأنها بالفعل مختلفة عن أي بلد تانية حتي الدول المجاورة بما فيهم مصر و الجزائر و المغرب …

 

زرت تونس قبل كده ؟ عندك أي نصائح أو حاجه حابب تشاركنا بيها ؟ شاركنا بيها في الكومنتات و صفحات التواصل الأجتماعي ..

 

TAGS
RELATED POSTS
Subscribe
نبّهني عن
guest
0 تعليقات
Inline Feedbacks
View all comments
محمد حماد
🇪🇬 Egypt

أنا محمد ... مدمن سفر ... سافرت كتير و حلمي اني الف العالم كله . قررت اعمل المدونة دي علشان تكون مصدر لكل ما يخص السفر من تأشيرات , و معلومات عن دول العالم المختلفة و اسرار ازاي تلف العالم بأقل الامكانيات و اسهل الطرق .

ابحث في الموقع

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

0
حابب اعرف رأيك ، اترك تعليق :)x
()
x
تابعنا علي Facebook

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

0
حابب اعرف رأيك ، اترك تعليق :)x
()
x