اعلنت القنصلية الفرنسية في بعض الدول العربية منها مصر و تونس و المغرب و الجزائر و لبنان عن تغييرات في طريقة التقديم لفيزا فرنسا …
كان الأول التقديم بيكون عن طريق مكاتب ال TLScontact او VFS global في بعض الدول , حاليا التقديم في الدول المذكورة اصبح عن طريق الموقع الرسمي للتأشيرات في فرنسا https://france-visas.gouv.fr .
بعد ما تدخل علي الموقع هتعمل حساب عليه
و بعد كده هتدخل علي صفحة الأبليكيشن و تملاها زي الخطوات دي :
بعد الأنتهاء من الأبليكيشن و حفظها , هيحولك الموقع لموقع مكتب التأشيرات سواء TlsContact او VFS global حسب البلد اللي انت فيها , علشان تختار الميعاد اللي هتروح فيه المكتب تقدم فيه الملفات و ياخدوا البصمات و تدفع تكاليف الفيزا … طبعا المستندات المطلوبة هي هي لمعظم دول الشنجن , اقرأ الموضوع ده هيفيدك قبل التقديم لفيز الشنجن : ازاي تضمن فيزا الشنجن بكل سهولة
التعديلات في التقديم دي اصبحت سارية في اخر نوفمبر الحالي في الدول المذكورة , و طبعا علي موقع التأشيرات الرسمية ده كل التفاصيل , بعد لما بتعمل حساب و تختار جنسيتك الموقع بيديلك المعلومات بناء علي جنسيتك و البلد اللي انت فيها …
دي كل المعلومات عن الطريقة الجديدة بخصوص التقديم لفيزا فرنسا , و بالتوفيق
