أدرنة
وجهات Destinations

أدرنة , تركيا …. مدينة تركية تستاهل تحطها علي خريطتك السياحية

on
سبتمبر 2, 2019

أدرنة … مدينة من أحلي المدن التركية و اللي مكانش ينفع معملش مقالة منفصلة عنها لأنها فعلا تستاهل انك تزورها مرة علي الأقل , المدينة دي كانت بالنسبالي من أول المدن التركية اللي زرتها و حتي عشت فيها شهر كامل في بداية سفرياتي , و قتها كنت في تبادل طلابي , و المدة اللي قعدت فيها في المدينة دي خلتني أعرف اد ايه هي مميزة و جميلة , و انهارده هقولك ايه الأسباب اللي تخليك تزور مدينة من أحلي مدن تركيا …

 

 

فين أدرنة :

أدرنة

أدرنة تقع في الشمال الغربي التركي , في الجزء الأوروبي من تركيا , قريبة جدا من الحدود اليونانية و البلغارية . مدينة تحس أنه مختلفة جدا عن بقية مدن تركيا , و دي ميزة هتخليك تحس بتنوع رهيب أثناء زيارتك لتركيا …

من أسطنبول تقدر تاخد أتوبيس لأدرنة , أما لو عايز تجربة ممتعة أكثر .. تقدر تأجر سيارة و تسوق لغاية أدرنة , المسافر حوالي 230 كم يعني حوالي ساعتين و نص بالسيارة .. تجربة مميزة لازم تحربها .

 

 

 

التاريخ :

مسجد السليمية

مسجد السليمية و تمثال المعماري سنان

أدرنة من المدن اللي ليها تاريخ عريق في تركيا , بناها الأمبراطور الروماني هادريان في القرن الثاني الميلادي , و مع في عام 1362 م أستولي عليها العثمانيون و أصبحت فيما بعد عاصمة للدولة العثمانية ..

تتميز أدرنة يمساجدها العريقة اللي هنستعرضها في المقالة دي , و كذلك اسواقها و جسورها و مبانيها و ساحاتها الرائعة … فعلا من كانت من أحلي المدن اللي لازم تزورها لو عايز تستمتع بالطابع العثماني  , يمكن الميزة فيها عن أسطنبول هي ان عدد السياح أقل فيها من أسطنبول فبالتالي هتعرف تستمتع ..

 

 

 

المساجد و المتاحف الرائعة في أدرنة:

 

أشهرهم بلا شك هو مسجد السليمية , و هو التحفة المعمارية للمعماري العثماني الشهير : سنان آغا , التصاميم من الداخل رائعة , و قد أصبح من مواقع التراث العالمي لليونسكو عام 2011 …

مجمع تاريخ الطب

مجمع تاريخ الطب

تاني أشهر مسجد في تركيا هو مجمع السلطان بايزيد الثاني و اللي تم بناؤه عام 1488 م , المجمع يحتوي علي مسجد و مستشفي و مدرسة طبية … عام 1997 تم تحويل المجمع الطبي إلي متحف طبي لتاريخ الطب في الدولة العثمانية … كانت من أحلي الحاجات اللي زرتها في أدرنة و خصوصا لو كنت مهتم بالطب أو بتاريخه .

ده غير متحف الفن الأسلامي و التركي , اللي فيه نماذج للخطوط و الملابس و المجوهرات علي مدار التاريخ العثماني …

 

 

 

 

 

البازارات الرائعة :

أدرنة فيها عدد من البازارات الرائعة , أهمها بازار علي باشا و بازار السليمية الموجود أسفل مسجد السليمية , و كذلك البازار الموجود أسفل المسجد القديم …

أدرنة

لما تدخل البازار هتلاقي كل حاجه بتتباع فيه , الجميل أنك هتشوف الأماكن في البازار دي هي نفس الأماكن اللي كانت تعتبر الأسواق الرئيسية للعثمانيين من مئات السنين , هتحس بعبق التاريخ و انت ماشي في البازار ..

فيه عندهم حاجه ظريقة بتتباع و هي طبق فاكهة مصنوع من الصابون , شكله بيكون جميل أوي و مميزة بيه أدرنة ..

 

 

 

الأكلات التركية الخاصة بإدرنة :

طبعا مش محتاج أتكلم كتير عن المطبخ التركي , لكن مينفعش أتكلم عن أدرنة من غير ما أتكلم عن الكبدة الرهيبة المشهورة بيها المديمة الساحرة دي …

أدرنة

لو كنت من محبي الكبدة أو حتي مش من محبيها لازم تجرب الطبق ده , لأنه فعلا مختلف عن أي كبدة دوقتها في حياتك … هتندم لو مجربتهاش 😀

ده غير الحلويات التركية اللي ملهاش حل , محبي الأكل هيكونوا مبسوطين جدا في أدرنة …

 

 

أخيرا حاول دايما لما تزور أي بلد تدور علي المدن اللي مش مشهورة سياحيا و في نفس الوقت تحتوي علي كنوز تستحق انك تستكشفها 😀 و أدرنة مثال للمدن دي … لو زرت أدرنة قبل كده و حابب تشاركنا بتجربتك .. ياريت تشاركنا بيها علي صفحات السوشيال ميديا 🙂

TAGS
RELATED POSTS

اترك تعليق

avatar
  Subscribe  
نبّهني عن
محمد حماد
🇪🇬 Egypt

أنا محمد ... مدمن سفر ... سافرت كتير و حلمي اني الف العالم كله . قررت اعمل المدونة دي علشان تكون مصدر لكل ما يخص السفر من تأشيرات , و معلومات عن دول العالم المختلفة و اسرار ازاي تلف العالم بأقل الامكانيات و اسهل الطرق .

ابحث في الموقع

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

تابعنا علي Facebook

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.