تأشيرة الشنجن

تغييرات جديدة في اجراءات تأشيرة الشنجن من يناير 2020

by Mohamed Hammad
2 minutes read

تم اعتماد قواعد و قوانين جديدة بخصوص تأشيرة الأتحاد الأوروبي ( تأشيرة الشنجن ) في 6 يونيو الماضي , هنتكلم بالتفصيل عن التغييرات دي و ازاي هتأثر عليك كمسافر لدول الشنجن …

اتكلمنا قبل كده في مقالة ازاي تضمن فيزا الشنجن بكل سهولة عن خطوات الحصول علي تأشيرة الشنجن و ازاي تحاول علي قد ما تقدر انك متترفضش … و من عدة أيام أصدر الأتحاد الأوروبي التعديلات الجديدة , و التعديلات كانت كالأتي :

 

[lwptoc colorScheme=”inherit” borderColor=”#dd8604″]

 

-تأشيرة الشنجن ارتفع سعرها :

ارتفع فيزا الشنجن من 60 يورو لتصبح 80 يورو في التعديلات الجديدة اللي اصدرها الأتحاد الأوروبي , الأتحاد أعلن ان سيتم مراجعة السعر ده كل 3 سنين و يشوفوا هل يكون مجتاج يتغير أو لأ ..

من المتوقع أن يتم البدء بالعمل بالسعر الجديد في يناير 2020 .

 

-تقدر تقدم علي الفيزا قبل السفر ب 6 شهور :

من الحاجات اللي انا شخصيا شايفها حلوة في التعديلات دي هي انك تقدر تقدم علي التأشيرة ب 6 شهور قبل ميعاد السفر و بحد أقصي أسبوعين من ميعاد السفر (في الوقت الحالي يمكنك التقدم للفيزا 3 شهور فقط قبل ميعاد السفر)… النقطة دي هتديلك فرصة أنك تخطط كويس لرحلتك و تقدر تلاقي أسعار كويسة لأنك هتكون بتخطط من بدري.

 

-تعاون الأتحاد الأوروبي مع البلدان الأخري بخصوص الاجئين :

اللائحة الجديدة هتساعد في زيادة التعاون بين الأتحاد الأوروبي و الدول خارج الأتحاد بخصوص إعادة قبول المهاجرين الغير شرعيين …

و أوضحت المفوضية الأوروبية انها هتعيد تقييم تعاون الدول من خلال الاّلية دي , و أوضحت أنها في حالة تعاون دولة ما مع الأتحاد الأوروبي بخصوص الموضوع ده ساعتها الدول الأعضاء في الأتحاد هيعتمدوا قرار تنفيذي ينض أما علي تخفيض سعر التأشيرة لمواطنيها أو تقليل وقت البت في التأشيرة لمواطنيها أو حتي زيادة في فترة صلاحيات الدخول المتعدد …

اما الدول الغير متعاونة فسيضع الأتحاد الأوروبي قيود علي أصدار تأشيرة الشنجن لمواطنيها و ده علشان يحاولوا يكافحوا الهجرة الغير شرعية ..

 

دي كانت تفاصيل التعديلات الجديدة الخاصة بتأشيرة الشنجن , من وجهة نظري -بغض النظر عن نقطة زيادة السعر- بس شايفها أيجابية جدا لأن هتديلك فرصة تخطط كويس من بدري قبل سفرك , و في نفس الوقت في أمكانية انهم يزودوا فترات صلاحية الدخول المتعدد … و طبعا الأمور هتوضح أكتر مع بداية السنة الجديدة ان شاء الله ..

 

لو عجبتك المقالة ، يبقي هتعجبك المقالات دي

Leave a Comment

12 − إحدى عشر =

This website uses cookies to improve your experience. We'll assume you're ok with this, but you can opt-out if you wish. Accept Read More