الأمان اﻷلكتروني
Advices نصائح

الأمان الألكتروني اثناء السفر 2020 .. دليلك الكامل

on
مايو 20, 2020

الأمان الألكتروني  من أهم الحاجات اللي لازم تاخد بالك منها و انت مسافر . مش بس مهم انك تخلي بالك من نفسك و فلوسك و شنطك , سهل أوي ان يتم اختراق حساباتك الألكترونية و انت مسافر او الأستيلاء علي ارقام كروت ائتمانك .

في المقالة دي هنستعرض بالتفصيل اهمية انك تاخد بالك من الأمان الألكتروني بتاعك و ازاي تحمي نفسك الكترونيا و انت مسافر و ايه اهم الغلطات اللي لازم تتفاداها .

 

 

 

 

 باسوورد مختلف لكل حساب اول نصيحة بخصوص الأمان الألكتروني :

 

اكبر غلط هو انك تخلي كل حساباتك الألكترونية بباسورد واحدة , مفيش حد مننا محصن من الأختراق 100% , علشان كده لو لاقدر الله حد اخترق حساب معين , ميقدرش يدخل بنفس الباسوورد لبقية الحسابات بنفس الباسوورد .

 

الأمان الألكتروني

 

طبعا هتقوللي انا بنسي بسهولة و مبفتكرش باسوورداتي , يبقي الحل بكل سهولة هو ما يعرف بال password Manager  ,و اللي يعتبر من أهم اساسات الأمان الألكتروني  و ده بكل ببساطة برنامج بيشتغل علي كل أنواع الموبايلات سواء ايفون او لينك , و كمان كل انواع الكمبيوترات سواء ويندوز او ماك او لينك ..

فيه شركات كتير منها اللي بفلوس و منها المجانية اللي ممكن تستخدمهم ك password Managers

انا برشحلك الأتنين دول :

لو مجاني :  Bitwarden

لو بفلوس : 1Password

البرنامجين دول بكل بساطة هيحفظولك كل باسوورداتك جواهم , لما تيجي تدخل علي اي حساب من حساباتك بضغطة زرار واحدة هتلاقي الباسوورد اتحطت من غير ما تحتاج تكون فاكر اي باسوورد .

ده غير ان البرامج دي بتساعدك انها تولد generate باسووردات صعبة جدا لحساباتك بحيث تكون صعبة جدا لأي هاكر يحاول يخترق حسابك .

كمان في معظم حساباتك حاول تفعل خيار 2step verification اللي عن طريقة بعد ما تدخل الباسوورد بيتبعتلك كود علي الموبايل مثلا من غيره ما بتدخلش علي حسابك , ده بيخلي اي حد يعرف باسووردك ميقدرش يدخل علي حسابك من غير رسالة الموبايل اللي هتجيلك.

 

 

 

 

احذر من شبكات الواي فاي العامة :

 

دي تاني حاجه من أهم  الحاجات اللي لازم تاخد بالك منها بخصوص الأمان الألكتروني اثناء السفر, و انت مسافر و رحت الفندق او لو دخلت مطعم , او حتي و انت في المطار … اول حاجه بتدور عليها هي شبكة واي فاي مجانية  علشان تدخل علي الأنترنت ..

عايز اقولك لو فيه هاكر قاعد داخل معاك علي نفس الشبكة سهل جدا يتصنت علي موبايلك أو الكمبيوتر بتاعك و يعرف انت بتعمل ايه او يشوف باسوورداتك …

علشان كده لازم تاخد بالك من كذا حاجه و انت علي اي شبكة واي فاي عامة :

-أولا اتأكد ان الموقع اللي انت داخل عليه مكتوب جنب عنوانه HTTPS و علامة القفل الأخضر . ده معناه ان البيانات اللي بتتنقل ما بينك و ما بين الموقع هي مشفرة و حتي لو فيه هاكر بيتصنت علي الشبكة مستحيل يشوف البيانات دي لأنها ببساطة مشفرة .

 

vpn

 

-استخدم VPN  , شرحت قبل كده بالتفصيل يعني ايه VPN و اهميته بخصوص الأمان الألكتروني ليك  و ازاي و ليه لازم تستخدم VPN  و انت مسافر , بس من مزايا ال vpn  الكثيرة جدا يكفي اني اقولك ان ال vpn بيشفرلك كل بياناتك و انت شغال علي الأنترنت  , و ده هيحميك من تصنت اي هاكر لو معاك علي شبكة الواي فاي اللي داخل عليها .

-تجنب انك تدخل علي المواقع المهمة و انت داخل علي شبكة واي فاي عامة , زي مثلا موقع البنك الشخصي بتاعك أو ال paypal مثلا أو غيرهم من المواقع الحساسة ..

-لو اسعار شرايح الداتا رخيصة في البلد اللي انت بتزورها حاول تشتري شريحة أحسن و استخدم انترنت الموبايل بدل شبكات الواي فاي العامة , كده هتبقي مطمن و انت اونلاين .

 

 

 

 

 

 

تجنب استخدام كمبيوترات عامة :

 

كمبيوتر عام

 

أوقات ممكن تبقي محتاج تستخدم الأنترنت و انت مسافر و مش معاك كمبيوتر أو موبايل تدخل منه علي الأنترنت , فساعتها هتدور علي Internet cafe أو أي كمبيوتر عام في الفندق او اي مكان تقدر تدخل منه علي الأنترنت ..

و برضه هنا المشكلة , لأن ببساطة ممكن يكون فيه علي الكمبيوتر ده برنامج صغير اسمه keylogger و ده عبارة عن برنامج صغير بيسجل كل حاجه بتكتبها علي الكيبورد و بيخفيها علي الكمبيوتر , و بتبقي متاحة للشخص اللي زرع البرنامج ده انه يشوف باسوورداتك و ارقام كروت ائتمانك اللي كتبتها و انت قاعد …

علشان كده لازم تتجنب تستخدم أي كمبيوتر عام , و ان اضطررت لدخ حاول تتجنب تدخل علي اي حسابات شخصية او مواقع مهمة  , ده غير طبعا انك تكون مفعل ال 2step verification  لكل حساباتك اللي قلتلك عليهم في اول نقطة لانها نقطة مهم اوي بخصوص الأمان الألكتروني لحساباتك.

 

 

 

اتأكد ان مشاركة الملفات مقفولة في الكمبيوتر بتاعك :

 

لو دخلت من الكمبيوتر بتاعك علي شبكة واي فاي عامة اتأكد ان خاصية مشاركة الملفات File sharing  مغلقة من اعدادات جهازك , هو طبيعي انها تبقي مغلقة افتراضيا بس ميمنعش انك تتأكد من ده .

لأن لو مفتوحة ممكن أي حد داخل علي نفس الشبكة يدخل علي ملفاتك في الكمبيوتر بتاعك و ينقلها بكل سهولة .

كمان اقفل من الموبايل خاصية Auto join nearby hotspots و دي بتتيح لموبايلك انه يدخل علي اي شبكة يلاقيها اتوماتيك , و ده خطر جدا لأن ممكن و انت مش عارف جهازك يدخل علي اي شبكة مش امنة .

 

 

 

 

اتأكد ان كل أجهزتك مشفرة بباسورد :

سهل اوي اي حد فينا يتسرق منه موبايل او اللابتوب بتاعه او ينساه في مكان و هو مسافر , علشان كده اتأكد انك قافل جهازك بباسورد بحيث اللي يسرقه ميعرفش يدخل علي بياناتك و ملفاتك .

كمان اتاكد انك مفعل خاصية find my phone اللي موجودة في معظم الموبايلات الذكية دلوقتي , و اللي عن طريقها تقدر تعرف جهازك فين علي الخريطة لو اتوصل بالأنترنت و ده ممكن يساعدك انك تقدر تعرف مكان السارق.

 

 

 

 

كلمة أخيره بخصوص الأمان الألكتروني ليك أثناء سفرك:

 

اخيرا لازم تعرف ان مفيش حد محمي من الأختراق 100% خصوصا و انت مسافر , علشان كده لازم تعمل اللي تقدر عليه بانك تحمي نفسك كويس و تتبع دايما حدسك زي ما بقول دايما … و ده هيصعب الأمر علي المخترق بكتير .

 

الأمان الألكتروني

 

فيه دايما مقولة شهيرة عن الأختراق و الأمان الألكتروني و هي ان عملية الأختراق بتعتمد بنسبة 10% علي قدرة المخترق و البرامج اللي بيستخدمها و علي 90% من غباء الشخص اللي بيتم اختراقه !

و ده يبينلك اد ايه ان لو تم اختراقك فهيكون بسبب خطأ انت عملته زي مثلا بتستخدم باسوورد تاريخ ميلادك و حاطتها علي كل حساباتك , او مثلا داخل علي شبكات واي فاي عامة وبتستخدم حساباتك المهمة … إلخ

صدقني حماية نفسك سهل جدا , الفكرة كلها تبقي عارف انت بتعمل ايه , و تبقي عارف كويس ان الأمان الألكتروني لنفسك أونلاين و انت مسافر ميقلش أهمية عن حماية نفسك و شنطك و حاجتك و انت مسافر. فلازم تهتم بده كويس أوي .

لو عندك اي سؤال بخصوص المقالة , او حابب تضيف نصيحة من نصايح اﻷمان الألكتروني اثناء السفر , هكون مبسوط جدا لو شاركتني بيها .

TAGS
RELATED POSTS

اترك تعليق

avatar
  Subscribe  
نبّهني عن
محمد حماد
🇪🇬 Egypt

أنا محمد ... مدمن سفر ... سافرت كتير و حلمي اني الف العالم كله . قررت اعمل المدونة دي علشان تكون مصدر لكل ما يخص السفر من تأشيرات , و معلومات عن دول العالم المختلفة و اسرار ازاي تلف العالم بأقل الامكانيات و اسهل الطرق .

ابحث في الموقع

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

تابعنا علي Facebook

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.