عالم الأنترنت زي ما بيسهلك حاجات كتير في حياتك و خصوصا في مجال السفر . بس زي ما هو خطر جدا لو مش عارف انت بتعمل ايه , منها انك لازم تستخدم vpn و خصوصا و انت مسافر .
زي ما فيه ناس عارفة ايه ال vpn , ناس كتير ممكن متكونش سمعت عنه ولا تعرف ايه هو . في المقالة دي هنتكلم بالتفصيل عن كل ما يخص الموضوع ده بحيث يكون دليل كامل ليك لو حبيت في يوم من الأيام تستخدم vpn عند اتصالك بالأنترنت . و اللي بعد اللي هتقراه في المقالة دي هتعرف انه أفضل استثمار تقدر تستفيد بيه طول ما انت متصل بالأنترنت .
[lwptoc colorScheme=”inherit” borderColor=”#dd8604″]
ايه هو ال VPN و ليه لازم تستخدم vpn و أنت مسافر ؟
ال vpn هو اختصار ل virtual private network أو شبكة خاصة أفتراضية . أو لو هنتكلم بلغة سهلة غير تقنية , أعتبرها كنفق خاص أمن بيوصل جهازك أو موبايلك بالأنترنت .
أو بمعني تاني , ان كل حاجه بتعملها علي جهازك سواء بيانات الدخول و الباسووردات , أو أرقام بطاقاتك الأئتمانية اللي بتستخدها في الشراء أونلاين , أو تصفحك للمواقع أو مكالماتك أونلاين كل ده بيكون مشفر جيدا و مخفي عن أي حد بيحاول بتجسس عليك أو يسرق بياناتك أثناء دخولك علي شبكة واي فاي عامة .
خلينا نتكلم عن عدة أسباب تخليك لازم تستخدم vpn عموما و بالأخص و أنت مسافر :
١-التصفح الأمن و انت علي شبكات الواي فاي العامة :
لنفترض انك مسافر أو حتي في بلد و دخلت كافية أو فندق أو مطعم أو حتي و انت في المطار . أول حاجه بتعملها أنك تسأل علي باسوورد الواي فاي علشان تقدر تستخدم الأنترنت .
كل ده تمام , بس المشكلة أن الشبكات دي بتكون مش اّمنة , بمعني أن لو فيه هاكر داخل علي نفس الشبكة ببرامج بسيطة جدا يقدر يدخل علي ال ip الخاص بجهازك أو بموبايلك اللي داخل علي الشبكة و يقدر يحصل علي كل المواقع اللي بتدخلها ببيانات الدخول و الباسوورد الخاصة بيك .
مش بس كده , يقدر يحصل علي أرقام بطاقاتك الأئتمانية اللي استخدمتها من جهازك , كل ده و انت مش حاسس .
هنا بيجي أهمية أستخدام vpn , لأن ببساطة كل بياناتك بتكون مشفرة , و مستحيل حد علي الشبكة اللي انت داخل عليها يقدر يدخل علي أي من بياناتك لأنها هتكون في أمان .
٢- تتفادي تجميد حساباتك البنكية و انت مسافر:
معظم المواقع الخاصة بالبنوك بتحتاج انك تدخلها من بلدك , فلو الموقع الألكتروني لاحظ أن الحساب تم الدخول إليه من IP دولة مختلفة بيتم تجميد الحساب لأن الوقع بيفترض أن فيه هاكر من دولة تانية دخل علي الحساب فبيقوم بالأجراء ده للأمان و لمنع سرقة حسابك.
طيب نفترض انك سافرت دولة تانية , و حبيت تدخل علي حسابك و لشحن رصيد بطاقتك الأئتمانية مثلا أو تعمل اي حاجه , ساعتها هتلاقي حسابك اتجمد و هتضطر تعمل مكالمات دولية لبنكك علشان يفكر التجميد بعد ما يتطمنوا ان انت اللي دخلت عل الحساب مش حد تاني .
هنا برضه بييجي فايدة انك تستخدم vpn , لان بكل بساطة و انت مسافر تقدر تدخل علي سيرفر بلدك عن طريق ال vpn و ساعتها هيكون لجهازك IP بلدك , فلما تدخل علي حسابك هيكون كأنك داخل من بلدك بالضبط و بالتالي مش هيحصل أي مشكلة .
٣-تلاقي تذاكر طيران رخيصة :
اتكلمنا قبل كده عن ازاي تلاقي أرخص تذاكر طيران , بس فيه طريقة كمان تقدر تضيفها للي قلناه قبل كده ..
بعض مواقع شركات الطيران بتحط سعر مختلف للتذاكر لكل دولة , فمثلا سعر تذكرة معينة في أمريكا ممكن تبقي أغلي من سعر نفس التذكرة في النرويج مثلا .
هنا تيجي فايدة تانية لل vpn , انك و انت بتحجز تذكرة طيرن , جرب تستخدم أكثر من سيرفر لكذا بلد خصوصا البلاد اللي دخلها منخفض , ممكن تلاقي أسعار أرخص بكتير للتذكرة اللي انت عاوز تشتريها , ساعتها هتلاقيك وفرت جامد و انت بتشتري تذكرة الطيران .
٤-تقدر تتفرج علي المحتوي الموجه للبلاد الأخري و انت في بلدك:
لو انت عايش في الشرق الأوسط و من هواة مشاهدة ال netflix مثلا أو bbc player أو أي من مقدمي محتوي الأفلام و المسلسلات , هتلاقي أن المحتوي الموجه للشرق الأوسط فقير جدا مقارنة بالمحتوي الموجه لأمريكا أو أوروبا.
فبكل بساطة تقدر تدخل عن طريق السيرفر الأمريكي أو الأوروبي و تشوف المسلسلات و الأفلام بكل حرية كأنك بالضبط داخل من الدولة اللي انت بتشاهد منها.
٥-أثناء زيارتك للصين:
الصين من أكتر الدول اللي حاجبه جزء كبير من الأنترنت … و اللي حاجبه عن مواطنيها الفيسبوك و الواتساب و خدمات جوجل زي الخرائط و الجيميل و كل ده.
فأنت كسائح لو زرت الصين هتكتشف انك معزول عن كل ده , مش هتقدر تدخل علي أيميلك أو تستخدم الخرائط أو الفيسبوك ..إلخ
فبكل بساطة تقدر تستخدم vpn و تختار سيرفر أي بلد تانية زي فرنسا أو انجلترا مثلا , ساعتها موبايلك هيكون كأنه داخل علي الفيسبوك أو خدمات جوجل من الدولة دي مش الصين , و بكده تكون تخطيت الحجب ده .
أيه اللي لازم تعرفه قبل أستخدام ال vpn ؟
ال vpn مبيخفيش كل بياناتك اثناء استخدامك للأنترنت . هو أه بيخفي ال Ip بتاعك و بيحميك من مخاطر كتير , بس متفكرش تستخدمه في شئ غير قانوني لأن بسهولة جدا ممكن للسلطات الحكومية في بلدك تتبعك و ساعتها هيكون عليك مسائلة قانونية لو استخدمته في شئ ضد قوانين بلدك .
ال vpn سلاح ذو حدين , فلازم تستخدمه فقط في الحاجات المشروعة فقط و تلتزم بقوانين بلدك دايما.
طيب ايه الحاجات اللي محتاج تكون في ال vpn قبل ما تستخدمه ؟
طبعا برامج vpn كتير جدا , بس لما تيجي تختار نوع معين لازم تتأكد من كذا نقطة قبل ما تستخدمه :
-تقييمات المستخدمين و التأكد من عدم جمع البيانات no logs:
اقرأ تقييمات المستخدمين لاي برنامج ناوي تستخدمه , و كمان تقرأ سياسات الخصوصية للبرنامج علشان تتأكد أنه مبيجمعش أو بيحفظ بياناتك .
-عدد كبير من السيرفرات حول العالم:
لما تيجي تختار vpn اتأكد ان فيه سيرفرات كتير من دول العالم ده هيحسن تجربتك في التصفح بحيث انك تقدر تتصفح من اي دولة انت حاببها.
-السرعة:
معروف ان ال vpn أحيانا بيقلل سرعة التصفح بتاعتك , إلا لو بتستخدم شركة vpn كويسة , هتلاقي الاتصال سريع جدا و كأنك مبتستخدمش vpn اصلا.
-بيدعم ال netflix وللا لأ :
حاول دايما تختار vpn بيدعم netflix , لو من هواة مشاهدة الأفلام و المسلسلات صدقني هتلاقي تجربة مختلفة لو دخلت علي سيرفرات زي أمريكا أو بريطانيا.
طب هل ممكن أستخدم vpn مجاني؟
أكبر غلط انك تستخدم vpn مجاني اللي موجودين علي appstores , لأن اسأل نفسك … أيه الفايدة اللي هتعود لشركات ال vpn انها تقدملك الخدمة مجانا؟؟
الأجابة ان ببساطة غير أن الخدمة هتكون بطيئة و غير آمنة و هتقطع كتير. كمان الشركات المجانية دي بتسجل كل نشاطاتك علي الأنترنت و بتبيعها لمواقع الأعلانات . فبالتالي هتلاقي كمية اعلانات رهيبة ده غير انك أصلا مش هتكون في أمان.
علشان كده حاول دايما تشترك في خدمة vpn محترمة , و فيه شركات كتير كويسة و موثوقة تقدر تدور عليها و تختار اللي يناسبك .
يا تري ايه ال vpn اللي انا بفضله ؟
انا جربت أكتر من vpn و فيه شركات كتير محترمة و شركات كتير غير آمنه , بس أفضل شركة حاليا هي Expressvpn
مش بس لأنها الأولي عالميا , لكن ليها ميزات كتير :
-ليها أكتر من ٣٠٠٠ سيرفر في أكتر من ٩٤ دولة.
-سريعة جدا كأنك بتستخدم الأنترنت من غير vpn بعكس شركات تانية كتير بتأثر علي سرعة الأنترنت.
-تشفير عالي لبياناتك.
-معظم السيرفرات بتشتغل كويس جدا مع Netflix , bbc iplayer , cbc و غيرهم.
-تقدر تشغل ٥ أجهزة في نفس الوقت سواء كمبيوتر ويندوز أو ماك أو iOS أو Android أو حتي علي الراوتر و غيرهم كتير.
الأشتراك فيها في الشهر : 12.95 دولار
و في ال ٦ شهور : 60 دولار
و في السنة : 99.95 دولار
بس الجميل في الموضوع انك في خلال ٣٠ يوم من اشتراكك من حقك تلغي الأشتراك و تسترد فلوسك بكل سهولة , يعني لو حبيت تجرب الخدمة مثلا شهر ممكن تشترك شهر واحد و قبل اخر الشهر تقدر تكنسل الخدمة عادي جدا و تسترد فلوسك مرة تانية من غير أي صعوبات
و دلوقتي لو سجلت من اللينك ده هتحصل علي شهر مجاني إضافي علي أي مدة تشتركها في البرنامج .
و لو ناوي تشترك سنة , سجل من اللينك ده و هتحصل علي 3 شهور اضافية مجانا .
و فيه برامج تانية كتير كويسة تقدر تستخدمها زي nordvpn , windscribe, Tunnelbear تقدر تبحث عنهم .
ده كان دليل كامل ليك عن ازاي تستخدم vpn و انت مسافر , لو حابب تضيف أي معلومة للمقالة أو عندك أي استفسار تقدر تشاركني بيه في الكومنتات
