السفر بعد فيروس الكورونا
Planning تخطيط

السفر بعد فيروس الكورونا .. ازاي تسافر بعد انتهاء الوباء في 2020

on
مايو 8, 2020

بعد التوقف عن الكتابة لفترة بسبب انشغالي في عملي كطبيب و ايضا بسبب تفشي فيروس الكورونا Covid 19  في العالم كله و توقف السفر . حبيت ارجع تاني للكتابة , كلنا اكيد بنسأل نفسنا دلوقتي… ياتري ايه شكل السفر بعد فيروس الكورونا ؟

كلنا ملاحظين كل بلاد العالم فيها حظر تجول بشكل او بأخر , حركة الطيران معلقه , المرض منتشر في كل مكان , السياحة واقفة في كل حتة , بس صدقني ده احسن وقت تستفيد بيه في انك تقرأ و تخطط لقدام , اجلا ام عاجلا كل شئ هيرجع طبيعي و ساعتها هتقدر تسافر , بس خلينا انهارده نتكلم عن شوية نقط نفكر فيها و احنا بنخطط في المستقبل …

 

 

 

 

السفر بعد فيروس الكورونا .. امتي نقدر نسافر؟

 

خلينا نتفق اننا لسه بنعتبر في ذروة الوباء , حتي في دول لسه مدخلتش في الذروة , ده غير ان البلاد اللي بدأت تتعافي بالتدريج من الوباء لسه لغاية دلوقتي صعب السفر ليها و ليست امنة للسفر , طبعا كل المتابعين للقطاعات السياحية في العالم كله ملاحظين خساير بالمليارات للشلل التام اللي ضرب القطاعات دي ..

 

السفر بعد فيروس الكورونا

 

علشان كده معظم الحكومات دلوقتي بدأت تتكلم عن الفتح التدريجي للقطاع السياحي في العالم , و ده هنبدأ نشوفه خلال الشهور الجايه , لكن خلينا نتكلم بواقعيه , رجوع الأمور لما كانت عليها من قبل مش هيبقي قبل شهر ديسمبر 2020 .. إن لم يكون بعد ذلك .

ده ببساطة لأن كل دولة هتكون خايفة من ان تجتاحها موجة تانية من وباء فيروس الكورونا …

 

بس خلينا نتخيل سوا شكل السفر بعد فيروس الكورونا هيبقي عامل ازاي في الفترة الجاية  …

 

 

 

 

 

 

اسعار الفنادق هتقل :

و ده متوقع من معظم الخبراء في مجال السفر , و حتي لو فكرت بعقلك كده , بعد عودة السياحة الفنادق كلها هتعمل اسعار تنافسية علشان تجذب السياح , و ده هيشجع ناس كتير تجرب السفر لأول مرة …

 

فندق

 

الفترة دي حاول تقرأ كتير عن انواع الأقامات و انت مسافر و حاول تشوف ايه اللي يناسبك , ارجع للمقالة دي “ كل حاجه محتاج تعرفها قبل حجز مكان اقامتك و انت مسافر” .

 

 

 

 

تغيير كبير هيكون كمان في اسعار الطيران :

 

الطيران

 

و ده كمان متوقع , لان ببساطة شركات طيران كتير هتضطر تطير طياراتها فاضية بسبب قلة عدد المسافرين بعد الأزمة مباشرة , وده هيخلي الأسعار أقل ..

غير كده كمان خلي بالك ان ده هيديلك انت كمسافر مرونة و انت بتحجز , لان هتلاقي عدد كبير من الرحلات تقدر تحجز بينهم لقلة عدد المسافرين .

لما تيجي تحجز متنساش تقرأ مقالة “ازاي تلاقي ارخص تذكرة طيران .. دليلك الكامل ” هتلاقي معلومات كتير جدا عن ازاي تشتري تذكرة بسعر قليل جدا .

 

 

 

 

الأهتمام بالنظافة الشخصية و حماية نفسك من العدوي :

السفر بعد فيروس الكورونا

 

و دي الحاجه الوحيدة اللي من وجهة نظري طلعنا بيها من وباء فيروس الكورونا ده , و هو اننا اتعلمنا مفاهيم كتير المفروض نستخدمها في حياتنا العادية و كمان اثناء السفر …

زي مثلا غسل اليدين المياة و الصابون أو الكحول … لبس الكمامة بصفة دايمة و انت خارج , تعقيم اليدين و تجنب لمس الوجه او الفم او العينين …إلخ

فايروس الكورونا زيه زي الأنفلونزا العادية هيمر بسهولة إلا لو لا قدر الله كان عندك أمراض مزمنة أو كبير في السن أو مناعتك ضعيفة , ساعتها ممكن يبقي له شوية مضاعفات .

علشان كدة لازم تاخد احتياطاتك كويس جدا , سهل اوي الواحد فينا يتنقله العدوي , علشان كده لازم تاخد بالأسباب و تخلي بالك من نفسك و من اللي حواليك.

 

 

 

 

كلمة اخيرة :

افضل و أرخص ٥ وجهات تزورهم الشتاء القادم

 

دايما بقول في مقالاتي ان هدفي و انا بعمل المدونة دي اني احاول ان ألغي المفاهيم الغلط اللي عند ناس كتير في مجتمعنا ان السفر صعب او مستحيل , علشان كده خد الفرصة دي و انت قاعد في البيت في الحظر اللي في معظم بلادنا العربية انك تقرأ كتير و ثقف نفسك .

هتلاقي في المدونة مقالات كتير عن ازاي تسافر أول مرة , ازاي تخطط لسفرك لوحدك بعيد عن شركات السياحة , ازاي تحجز فنادق أو طيران ..

و طبعا لو احتجت أي سؤال متترددش انك تبعتلي و هكون مبسوط جدا اني ارد علي اي استفسار ليك في اقرب وقت 🙂

TAGS
RELATED POSTS

اترك تعليق

avatar
  Subscribe  
نبّهني عن
محمد حماد
🇪🇬 Egypt

أنا محمد ... مدمن سفر ... سافرت كتير و حلمي اني الف العالم كله . قررت اعمل المدونة دي علشان تكون مصدر لكل ما يخص السفر من تأشيرات , و معلومات عن دول العالم المختلفة و اسرار ازاي تلف العالم بأقل الامكانيات و اسهل الطرق .

ابحث في الموقع

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

تابعنا علي Facebook

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.