فيزا تركيا و التصريح الأمني
Visas تأشيرات

فيزا تركيا و التصريح الأمني للمصريين 2020… دليلك الكامل

on
سبتمبر 14, 2019

فيزا تركيا و التصريح الأمني أكتر حاجتين بيتسألوا كتير علي الأنترنت , و ده بسبب شهرة تركيا سياحيا , و كمان لأن قوانين التصريح الأمني بتختلف كل شوية .

تركيا من الدول الجميلة و المشهورة سياحيا , اتكلمنا قبل كده عن أسطنبول و عن كل حاجه محتاج تعرفها قبل السفر ليها .

 

فيزا تركيا و التصريح الأمني

 

و كمان اتكلمنا عن تشيرالي اللي بعتبرها جوهرة ناس قليلة تعرف عنها و أد ايه هي مكان مميز و ينفع جدا لشهر العسل .

و برضه اتكلمنا عن أدرنة المدينة التركية اللي هتحس فيها بميكس رهيب بين التاريخ العثماني و الجانب الأوروبي من تركيا .

و أتكلمنا كمان عن المطبخ التركي و أشهر الأكلات التركية اللي لازم تجربها .

في المقال ده هحاول أجمعلك كل المعلومات اللي هتحتاجها بخصوص فيزا تركيا و التصريح الأمني .

و هحاول أخلي الموضوع متجدد أول بأول .

 

 

 

 

هل محتاج أطلع فيزا تركيا و التصريح الأمني ؟

كل المواطنين المصريين محتاجين فيزا لدخول تركيا , الفكرة هل محتاج فيزا أونلاين أم فيزا من السفارة علي الباسبور .

-للمواطنين المصريين تحت سن 18 سنة و فوق سن 45 سنة دول يقدروا يطلعوا الفيزا الألكترونية من الموقع الرسمي https://www.evisa.gov.tr/ar .

 

فيزا تركيا و التصريح الأمني

-للمواطنين المصريين بين سن 18 سنة و 45 سنة ,دول لازم يطلعوا التأشيرة التركية من السفارة , و كذلك التصريح الأمني , و دول هنشرحهم بالتفصيل دلوقتي .

 

 

 

أطلع فيزا تركيا منين؟

فيزا تركيا و التصريح الأمني

 

حاليا الجهة الوحيدة اللي بتتوجهلها لاستخراج تأشيرة تركيا هو مكتب MZ VIZA التابع للسفارة التركية و عنوانه :

القاهرة : و ده خاص بالمحافظات : القاهرة، الجيزة، القليوبية، الفيوم، بني سويف، الشرقية، ومحافظات القناة ووجه قبلي.

  • فيلا نومارسي 21 – ش محمد الغزالى مسقاق الدقى – الجيزة

الأسكندرية : و ده خاص بالمحافظات : الاسكندرية، البحيرة، دمياط، مطروح، كفر الشيخ، الدقهلية، المنوفية، الغربية

  •  88 شارع فؤاد – باب شرق / الإسكندرية

 

 

 

ايه هي المستندات المطلوبة بخصوص فيزا تركيا ؟

فيزا تركيا

  • باسبور صالح لمدة لا تقل عن 6 اشهر.
  • صورة ضوئية للباسبور.
  • 2 صورة شخصية حديثة 4×6 بخلفية بيضاء.
  • حجز طيران وحجز فندق مبدأي.
  • كشف حساب بنكى ييوضح حركات اخر ستة اشهر.
  • خطاب HR من شغلك لو موظف , أو السجل التجاري و البطاقة الضريبية لو شغلك خاص.
  • لو طالب محتاج بيان قيد من المدرسة أو الجامعة.
  • لو مسافر مع زوجتك يبقي متنساش أصل وثيقة الزواج.
  • صورة من التأشيرات السابقة لو معاك.
  • وثيقة تأمين تغطي سفرك داخل تركيا و دي بتعملها أجباري داخل المكتب ب 15 دولار.
  • صورة ضوئية من كل المستندات السابقة .

 

 

تكلفة الفيزا :

60 دولار + 30 دولار مصاريف المكتب + 15 دولار وثيقة التأمين = 105 دولار

في حال لو فيزا مالتبل بيكون تكلفتها 200 دولار

 

بعد ما تجهز الأوراق بتروح المكتب بدون حجز ميعاد , بيقابلك الموظف و بياخد منك الورق و بيسألك كام سؤال عن مسافر ليه و هتعمل ايه ..إلخ .

و النتيجة بتطلع بعد أسبوع ساعتها بتروح تستلم الباسبور بنفسك .

 

كده خلصنا الفيزا … نيجي بقي للتصريح الأمني ..

 

 

 

ايه هو التصريح الأمني ؟

هو تصريح يحصل عليه المسافر لمصري من هيئة الجوازات و الهجرة التابعة لوزارة الداخلية .

و لا يجوز سفر المواطنين المصريين إلي بعض الدول منها تركيا إلي بعد الحصول علي هذا التصريح الأمني بموجب قانون تم أصداره , و لا بصدر هذا التصريح إلي بعد موافقة بعض الجهات الأمنية .

و قد أصدر هذا القانون في عام 2014 و الغرض منه الحد من هروب الشباب إلي الخارج أو انضمامهم للمنظمات الأرهابية .

 

 

 

ايه هي شروط الحصول علي التصريح الأمني للسفر للتركيا ؟

-التصريح يجب أن يحصل عليه كل المواطنين من الجنسين ما بين عمر 18 سنة و 40 سنة  .

لذلك كل من كان عمره أقل من 18 سنة و أكبر من 40 سنة يقدر يسافر تركيا بسهولة من غير تصريح أمني .

-لازم يكون معاك تأشيرة علي الباسبور قبل ما تروح تقدم علي التصريح , و طبعا ما ينفعش تقدم علي الباسبور بتأشيرة إلكترونية , لازم تأشيرة مطبوعة علي الباسبور من السفارة زي ما شرحنا فوق.

-لازم تطبعا تحضر بنفسك للحصول علي التصريج , أنت و أي حد من عيلتك هيقدم عليه .

-مهم جدا لازم تبقي عارف أسمك الخماسي و تاريخ ميلاد والدك و انت رايح.

 

 

 

أقدم فين علي التصريح الأمني؟

الأدارة العامة للجوازات و الهجرة

حاليا و منذ 1 يوليو 2019 المكان الوحيد للحصول علي التصريح الأمني هو من الإدارة العامة للجوازات و الهجرة الموجودة في أكاديمية الشرطة في العباسية .

و مواعيد العمل طوال الأسبوع ماعدا الجمعة و الأجازات الرسمية 8 ص – 2 م .

 

 

 

ما هي الأوراق المطلوبة للتقديم علي التصريح الأمني ؟

-أصل الباسبور + 3 صور ضوئية منه .

-تأشبرة تركيا + 3 صور ضوئية منها.

-استمارة التصريح بتشتريها و انت هناك و بتملاها بدقة و بترفقها مع الورق.

-في حال إن كنت موظف حكومي أو خاص .. لازم تجيب جواب HR  + جواب من التأمينات. و لازم تكون المهنة مثبتة في الباسبور.

-لو كنت طالب او بلاعمل او “حاصل علي ..” , لازم يكون معاك فيزا زيارة علي الباسبور علشان تقدر تقدم علي التصريح الأمني , و فيه شركات سياحة كتير ممكن تعملك الدعوة لفيزا الزيارة .

-لو كنت صاحب شركة أو عمل خاص , تجيب البطاقة الضريبية و السجل التجاري .

 

بتروح و بتقدم كل الأوراق دي , و بتاخد رقم و تاريخ معين تستلم بيه الموافقة و التصريح الأمني و تقدر تسافر بعدها بسهولة.

 

 

 

هل الترانزيت في تركيا محتاج تصريح أمني ؟

بص هو مبدأيا الموضوع بيرجع لمزاج ضابط الجوازات لأن مفيش قانون واضح , بس لو الترانزيت أقل من 6 أو 8 ساعات , يبقي غالبا مش محتاج تصريح أمني و خصوصا لو مسافر دولة من دول الشنجن أو أمريكا مثلا .

أما لو الترانزيت أكثر من 8 ساعات , ممكن ضابط الجوازات ميرضاش يسفرك من غير تصريح أمني .

 

 

 

هل ممكن أسافر بدون فيزا تركيا و التصريح الأمني؟

اه لو كنت تحت 18 سنة أو فوق 40 سنة , ساعتها ممكن تسافر بالتأشيرة الإلكترونية و مش مطلوب منك التصريح .

أما لو معاك فيزا شنجن أو فيزا أمريكا ساريين فبرضه تقدر تدخل تركيا بالتأشيرة الإلكترونية لكن متكونش مسافر من مصر , لأن ضابط الجوازات مش هيخليك تسافر من غير تصريح أمني.

 

 

صلاحية التصريح الأمني أد ايه؟

التصريح صالح لمدة شهرين , و يتم استخدامه مرة واحدة فقط .

 

فيزا تركيا

 

دي كانت كل حاجه هتحتاجها بخصوص فيزا تركيا و التصريح الأمني , لو عندك أي استفسار أو تجارب حابب تشاركنا فيها , ياريت تشاركنا بيها في الكومنتات أو صفحات السوشيال ميديا 🙂

 

0 0 vote
Article Rating
TAGS
RELATED POSTS
Subscribe
نبّهني عن
guest
55 تعليقات
Oldest
Newest Most Voted
Inline Feedbacks
View all comments
Khaled
Khaled
أكتوبر 17, 2019 12:38 ص

ما الاوراق الطلوبه للبحار لاستخراج الموافقه الامنيه للسفر لتركيا

Tamer
Tamer
نوفمبر 7, 2019 1:37 م

انا مسافر البرازيل و عندي ترانزيت في تركيا لمدة 13 ساعة و انا سنى 42 سنة
هل محتاج تصريح امني؟

رشا
رشا
ديسمبر 16, 2019 1:21 م

السن ٤٠ ولا ٤٥

Yomma
ديسمبر 27, 2019 1:48 م

لو هسافر تركيا و انا غير مقيمه في مصر ولكن هنزل مصر ترانزيت هل هحتاج لتصريح امني؟

محمد ماهر حسن الحديدى
محمد ماهر حسن الحديدى
ديسمبر 29, 2019 8:13 م

انا السن، 43بحار عملت فيزا تركيا من القنصليه فى اسكندريه هل لى موافقة امنيه لتركيا ولا لاا ارجو رد اكيد وشكرا

ِِAbdullah Ghazy
ديسمبر 31, 2019 11:56 ص

الفيزا السياحية لتركيا Single entry صلاحية 3 شهور وإقامة حد أقصى شهر من خلال مكتب MZ سعرها أصبح 115 دولار لو حاجز طيران وفندق أو 120 دولار لو مش حاجز طيران وفندق عشان هما بيحجزوا لك حجز مبدئى .
الفيزا أونلاين تحت 18 سنة وفوق 45 سنة أو لو معاك فيزا شنجن أو كندا أو أمريكا أو انجلترا
التصريح الأمنى مطلوب لمن هم فوق 18 سنة وتحت 40 سنة

سارة
سارة
ديسمبر 31, 2019 4:03 م

هل الفيزا لتركيا بتبقى سارية من تاريج ماباخدها ولا من تاريخ السفر؟ يعني هل ممكن استخراج الفيزا فبل ميعاد السفر ب5 شهور؟

أسماء
أسماء
يناير 3, 2020 10:44 م

هل ينفع أسافر لوحدى بدون زوج أو ابن عمرى 36 سنه
لغرض السياحه ؟
ولو لا يوجد عندى حساب بنكى اعمل ايه؟

ن.ش
ن.ش
يناير 11, 2020 4:56 م

لو انا مطلقة وعندي ولادي سيباهم في مصر لازم حد يسافر معايا

امير
امير
يناير 18, 2020 4:05 م

هل لو راجع من شنجن وهقعد في تركيا لازم اكون طالع من مصر بتصريح امني ؟؟؟

امير
امير
يناير 18, 2020 6:53 م
Reply to  Mohamed Hammad

انا اسف معلش بس سؤالي حد هيكلمنى على التصريح الامني ؟ انا مش طالع على تركيا علي طول انا هقعد فيها في العوده 5 ايام بعد دوله الشنغن وشكرا

shayma
shayma
فبراير 17, 2020 5:16 م
Reply to  Mohamed Hammad

لو فى حد معاه الفيزا شنغن صالحة لمدة شهر و اقامة 15 يوم و هيخلص ال 15 يوم فى اوروبا و بعد كده يروح تركيا بس هيكون لسه فى فترة الشهر ده تمام للفيزا الاون لاين و هيدخل البلد تمام ؟

محمد
محمد
يناير 26, 2020 12:09 م

طيب انا مصري و فرنساوي و معايا باسبور فرنساوي المفروض هسافر فيه و عندي 21 سنة و رايح تركية 10 ايام و انا من مصر بقالي اربع شهور راجع من فرنسا و دخلت بالبسبور الفرنساوي هل احتاج تصريح أمني و انا هروح تركيا بالفرنساوي

Naglaa
يناير 27, 2020 8:24 م

لو سمحت لو انا الباسبور بتاعى مكتوب فيه حاصل على بكالوريوس صيدلة وهقدم على فيزا زياره لتركيا … هل الدعوه المطلوبه لاستخراج التصريح الامنى ممكن تكون دعوه من جامعه رسمية معتمده فى تركيا لحضور مؤتمر وانها هتتكفل بالبرنامج؟ برجاء الرد للضرورة

ريهام
ريهام
يناير 29, 2020 5:06 م

معايا دعوه تجاريه هل محتاجه تصرسح امني وفيزا
وانا محاميه ايه الاوراق المطلوبه

aboeelbanat@gmail.com
فبراير 2, 2020 8:25 ص

احي الكريم
اولا اشكرك علي المعلومات الرائعه وبارك الله فيك
ثانيا بخصوص موضوع الترانزيت معلش انا اسف محتاج توضويح شويه بمعني :-
حضرتك الان انا مسافرب الي تركيا وعندي 45 سنه فهجيب التاشيره اون لاين تمام
وانا ان شاء الله مسافر علي الخطوط الجويه الاوكرانيه وفتره الترانزيت تقريبا 16 ساعه فحضرتك تقصد فتره الترانزيت دي ولا تقصد لو حد مسافر دوله تانيه وهينزل ترانزيت في تركيا ؟
افادكم الله
وشكرا
محمد الوكيل

محمد
محمد
فبراير 2, 2020 8:10 م

طيب هل احجز الطيران قبل التصريح الامني ولا بعده علشان الوقت ضيق ومش عاوز سعر الطيران يغلى هل في حد بيترفضله الطلب بتاع التصريح فعلا

This comment form is under antispam protection
This comment form is under antispam protection
فبراير 27, 2020 11:16 ص
Reply to  Mohamed Hammad

انا حاليا مقيم في الكويت ونازل مصر اجازة ومعي تاشيرة تركيا صالحة 3 شهرر صادرة من الكويت هل عند العودة ممكن موظف الجوازت يلغي التاشيرة تركيا انا سمعت الكلام دة هل هذا صحيح , واذا حبيت اطلع من مصر ماهي اوراق المطلوبة للتصريح وانا اعمل في الخارج

Habiba
Habiba
فبراير 11, 2020 1:49 م

طيب لو شاب عنده 30 سنة ومعاه تأشيرة امريكا وهياخذ تأشيرة تركيا اونلاين . ينفع يطبع التأشيرة ويقدم بيها ع التصريح الأمنى لان بيبقى لها رقم عادى زيها زيى المطبوعة على جواز السفر

Amr
Amr
فبراير 17, 2020 2:01 م

هل لو المهنة مثبتة في الجواز والبطاقة هحتاج برضوا خطاب من جهة العمل فيما يخص التصريح الأمني؟

Amr
Amr
فبراير 28, 2020 12:12 ص
Reply to  Mohamed Hammad

طيب بخصوص لو مفيش أي تأشيرات مسبقة لسفر هل ده معيار للرفض؟ ولا عادي ممكن تعدي لو كشف الحساب حركته كويسة وباقي الأوراق متاحة وسليمة

محمد عماد
محمد عماد
فبراير 26, 2020 6:37 ص

لو حد مسافر تركيا سياحة ٥ ايام وفوق ٤٥ مواليد ٧٤ومحجوز له الفندق والفيزا بتاعة تركيا سياحة وعدى ٤٥ مطلوب تصريح امنى ولا عادى يا فندم

Ahmed Licht
Ahmed Licht
فبراير 27, 2020 11:52 م

بعد اذنك انا جاي من المانيا علي مصر وبعمل ترانزيت في تركيا 13 ساعه هل وانا راجع لازم تصريح امني علشان 13 ساعه؟ ازاي اطلع التصريح في حين عمري 31 سنه وجواز السفر مكتوب فيه طالب؟ هل ممكن اطلع تصريح عادي ولا لازم اعمل زيارة؟ شكراً

Esraa
Esraa
مارس 2, 2020 3:29 ص

ممكن سؤال لو انا جوزي بريطاني مصري واحنا مسافرين اجازه بس انا مش بشتغل ده ممكن يكون سبب رفض

Esraa
Esraa
مارس 2, 2020 10:47 م
Reply to  Mohamed Hammad

شكرا لحضرتك

محمود
محمود
مارس 6, 2020 11:31 ص

الاول بشكرك جدا على وقتك في كتابة الشرح ده ببساطة و صبرك على الردود ..
ثانيا انا عندي استفسار غريب شوية – انا طالع سياحة لتركيا و اخدت الفيزا فعلا و كله تمام بس الباسبور مثبت عليه وظيفتي القديمة غير الوظيفة الحالية اللي هيكون معايا الHR بيه . خايف من التصريح الامني جدا انهم يوافقوا يعملوه بسبب الموضوع ده و طبعا مش هعرف اغير الباسبور اللي عليه الفيزا .. تفتكر دي ممكن تبقى مشكلة في استخراج التصريح الامني ؟

عمرو
عمرو
مارس 8, 2020 2:44 م

خطاب جهة العمل بيكون بأي لغة؟ ومكتوب في الموقع تبع mz صورك من شهادة القيد العائلي، ده متطلب حقيقي؟

يوسف
يوسف
مارس 23, 2020 2:04 ص

انا مصري مقيم فالسعودية وسني ٢٧ ، اقدم عالفيزا منين ؟

محمد حماد
🇪🇬 Egypt

أنا محمد ... مدمن سفر ... سافرت كتير و حلمي اني الف العالم كله . قررت اعمل المدونة دي علشان تكون مصدر لكل ما يخص السفر من تأشيرات , و معلومات عن دول العالم المختلفة و اسرار ازاي تلف العالم بأقل الامكانيات و اسهل الطرق .

ابحث في الموقع

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

55
0
Would love your thoughts, please comment.x
()
x
تابعنا علي Facebook

متخليش أي مقالة تفوتك و انضم لعائلة
Passport Trails

اشترك في القائمة البريدية علشان توصلك المقالات و النصائح الحصرية أول بأول

شكرا علي أشتراكك.

هناك خطأ في الأشتراك.

55
0
Would love your thoughts, please comment.x
()
x